Zindagi

Ho agar aasaan samajhna zindagi
toh batadena mujhe....
Neend aksar nahi aati
mujhe is uljhan me...

Khuli zameen, Khula aasmaan
Is thandi hawa me,
lehrati pattiyaan

Yeh neela samundar, Yeh shaffaaf paani
jisme doobkar phir udhne ko mann karta hai

Haan jab bhi dekhta hoon
main yeh samaan,
khuljaate hain pankh
nikalte hain saare armaan...

ab udhne chala hoon main
ab apne aap ko bhulane chala hoon main
bas hawa se baatein karne ka mann karta hai

....aur bulaata hai jab yeh aasmaan
bhool jaata hoon apna aashiyaan

Dil Shikni

Ruk gaya haath, sookh gaya qalam

Band hogayi Zubaan, toot gaya bharam

Tum hua jo karte the tasawwur mein mere,

Kya ho tum wohi dost mere?

- Fahad Mohammed

Ek Ehsaas

Poochta hun main is waqt se

kyun rukta nahi hai tu?

darya k paani ki tarah

Kyun behta nikal jaata hai tu?

darya k paani ko toh 

phir bhi roka ja sakta hai

Kaise tujhe, aye Waqt!

roka jaye?

Kaise is pal ko

thama jaye?

Kyun tu, ay Waqt!

sab kaat ta chala jaata hai?

kyun mujhe mere

saath walon k saath 

rehne nahi deta?

kyun mujhe unhe

saath me lejane nahi deta?

aakhir kyun unhe

mujhse khareeb karta hai,

agar tujhe unhe

mujhse karna hi tha juda.??

Waqt poochta hai mujhse

tujhe kyun rokna hai is pal ko?

Aakhir kyun tu, ay Insaan!

chalne se katrata hai mere saath?

kyun aage badhne se ruk jaata hai?

kya shai tujhe rokti hai,

karti hai tujhe bechain?

tu mujhse poochta hai, Ay insaan!

kyun main nahi rukta,

k kyun sabko kaat ta 

aage badhjaata hun,

k kyun nahi sabko

saath lekar chalta hun,

k kyun nahi tujhe

saath apne sabko lejana deta hun....

Tujhe kya lagta hai

tere saath hona hi,

saath me hona hai?

tujhse jismaani taur par 

door karna hi

tere saath walon ko 

tere khareeb karna hai...

tu bata, ay Insaan!

kya tu aaya tha yahan

sabke saath??

Phir toh kyun rota hai?

Kya nahi diya tujhe

jinko tu ab nahi 

chadtha chodhna

jinke liye tu mujhse

karta hai sawaal...

bas yehi Zindagi hai

tera waqt hi teri zindagi hai

tu use ya woh tujhe 

kaise jayega chodhkar!

jitna hai waqt tera,

utni hi hai teri saansein

bas itna yaad rahe

jo tu chodhe jayega 

tere saath walo k saath

wohi tujhe milega

tera waqt khatm hone k baad!

Waqt na ruka hai kisi k liye

na kiya hai kisi ka intezaar

tu hi samajh baithta hai

k hai aur shaamein baaki

haan yeh hua mujhe ehsaas...

Waqt na ruka hai kisi k liye

na kiya hai kisi ka intezaar

hum hi samajhe baithe

ki hai shaamein aur baaki